Fullur í Kastljósinu.

Það var mjög athyglisverður Kastljós þáttur í gærkvöldi.  Þar sem strákur var fenginn í bílahermi til að keyra fullur. Sá svipað atriði í 30 days á Skjá einum fyrir ekki svo margt löngu.

Strákurinn var bláeldrú fyrst og virtist standa sig ágætlega. Eftir tvo bjóra lengdist viðbragðstíminn. En undir það síðasta stóð strákurinn varla í lappirnar og þurfti stuðning inn í bílinn. Hann keyrði af stað og komst að sjálfsögðu ekki langt.

Síðar í þættinum sat hann í viðtali - sauð drukkinn- og átti að tjá sig um það hvernig honum fannst þessi reynsla. Hann hefur örugglega ekki vitað hvað hann hét. Það skildist ekki mikið af því sem hann sagði en hann var kominn í mikið stuð!

Þá fór ég að velta fyrir mér virðingu fyrir manneskjunni. Ég efa alls ekki að hann hafi ekki samþykkt allt þetta. En hvernig myndi manni líða ef maður væri fenginn í þetta og væri svo settur í viðtal á skallanum?  Hefði ekki verið betri aðferðafræði að láta renna af manninum fyrst? Það hefði a.m.k. komið meira af viti frá honum.  

Ætli hann horfi á þáttinn þegar runnið er af honum??

 

 

Athugasemdir

[Jónas Björgvin Antonsson, 15.2.2007 kl. 11:06]

Ég held reyndar að ég kæmi persónulega betur út í viðtali ef ég væri á skallanum. Ég myndi sennilega bulla minna og koma betur fyrir.

J#